Sjølv om det var skapt ein viss spenning i forkant av statsråd Kristin Clemet sitt besøk på siste dagen av Utdanningsforbundet sitt landsmøte, var det ei disiplinert forsamling som klappa der skulle klappast til statsråden sin tale. Men konfliktane kring framtidige lønnsforhandlingar er ikkje på nokon måte løyst, sjølv om forbundsleiar Helga Hjetland slår fast at det er betre med dialog enn duell.