Women on Waves er ein frivillig organisasjon som med sin mobile abortklinikk i den nederlandske båten Langenort som utgangspunkt tilbyr abort i internasjonalt farvatn til kvinner i land med svært streng abortlovgiving. I juni i år sette dei kursen mot Polen, etter å ha blitt inviterte av ein polsk kvinneorganisasjon for å støtta dei i kampen for trygg og lovleg abort. Women on Waves kunne tilby ulike aktivitetar og helseinformasjon om bord i båten. Den medisinske staben kunne også tilby tidleg medisinsk abort (abortpille som kan brukast dei 45 første dagane av svangerskapet) etter å ha flytta båten ut i internasjonalt farvatn.