Då Claudia Rusch var fem år gamal skilde foreldra lag. Mora flytta til sine gode vener, ekteparet Katja og Robert. Etternamn Havemann. Robert Havemann var statsfiende nummer ein i DDR, reformkommunist og forfattar av boka «Dialektikk uten dogmer». Rusch skriv om Stasi-agentane, eller kakkerlakkane som dei sa heime, som sto rundt huset døgnet rundt for å handeheva husarresten Havemann var idømt. Tre månader etter lanseringa har boka seld 36.000 eksemplar og er trykt i tre opplag. Når Klassekampen møter Rusch er ho midtvegs i ein tolv veker lang leseturne.