Professor i filosofi ved Universitetet i Bergen, Gunnar Skirbekk, har vore mellom dei mest synlege fagfilosofane i Noreg i snart 50 år. Han overrumpla seg sjølv og heile det norske filosofiske miljøet, då han i 1958 – berre 21 år gamal – ga ut den kritikarroste bestseljaren Nihilisme? Eit ungt menneskes forsøk på å orientere seg. Skirbekk var då medisinstudent, på kull med Gro Harlem Brundtland. Filosofi var noko han sysla med på fritida. Hans Skjervheim fekk sjå manuskriptet frå Skirbekk og tok initiativ utgjeving.