I dag klokka tolv skal Forsvarsbygg og representantar for aksjonistane som blokkerer vegane inn til det planlagde Regionfelt Østlandet møtast til forhandlingar. Etter sonderingsmøte mellom aksjonistane og Forsvarsbygg onsdag, vart partane samde om at ingen skulle køyra inn i feltet i løpet av torsdagen, og at heller ingen skulle blokkera vegen den dagen. Aksjonistane har tre krav som vart presenterte for Forsvarsbygg onsdag: Alt utbyggingsarbeid stansar til utsleppsløyve frå Statens Forureiningstilsyn (SFT) er klart, absolutt forbod mot bruk av kvitt fosfor når skytefeltet skal takast i bruk og at Forsvaret ikkje skal bruka Rena-elva.