* Dagen etter at terrortrugsmålet mot Noreg frå al-Qai'da vart kjent, slår Dagbladet til med eit stort bilete av to bin Laden-typar og teksten «Nå tar de oss» på forsida. På dei første av fleire sider om saka inne i avisa, får vi servert to bilete i kontrast til kvarandre. Det idylliske biletet av ein lyshåra og uskuldig norsk kjernefamilie utstasjonert på ein norsk ambassade i Midtausten er sett opp mot eit nytt bilete av skjeggete, skumle muslimar. Signalet er utvetydig, og neppe tilfeldig frå Dagbladet si side: Vi, dei kvite og etnisk norske, blir utsett for eit farleg trugsmål frå dei, altså muslimane. Det er dei mot oss.