Jon Hellesnes er professor i filosofi. Han har skrive ei rad bøker, i fjor kom han med boka Maska bak andletet.Her i Vesten er Irak-krigen og Sharon-regimet si undertrykking av palestinarane oppfatta som to heilt ulike saksforhold. I media har Irak-krigen, forståeleg nok, kome i framgrunnen på kostnad av situasjonen til palestinarane. Men i den arabiske verda blir dei to saksforholda sett i samanheng med kvarandre. CIA veit nok det. Dermed er instruksane frå den amerikanske til den israelske regjeringa venteleg annleis no enn elles. For tida er det for eksempel ikkje fritt fram for dei israelske busetjarane. Men det er situasjonen slik den har vore opp til det siste, det dreiar seg om no.