«Avregulering av handel med tenester vil tena dei fattige landa». «Vi legg eit utviklingsperspektiv til grunn». Slik er omkvedet frå regjeringane i EU-land når det blir reist spørsmål om kva dei rike landa driv med i forhandlingane om ny Gats-avtale. Her heime har utviklingsminster Hilde Frafjord Johnsen forsikra Stortinget om at «vi legger altså til grunn en annen tilnærming overfor utviklingsland enn overfor industriland». Korkje dei folkevalde eller pressa har kunna etterprøva påstandane, for alle Gats-krava er hemmelegstempla.