Livet er ein farleg stad å vere. Det liker ikkje Dagbladet. Med utgangspunkt i ei tragisk ulukke ved ein leikepark i Oslo krev avisa på leiarplass at «noen [må] stilles til ansvar.» Og med det føyer avisa seg inn i folden av nyliberalistar som ser på livet som ein lovpålagt rett som må vernast av føreskrifter, lover og eit stadig aukande tal advokatar. «Lover og forskrifter skal sikre størst mulig trygghet,» som leiarskribenten så altfor enkelt seier det Smak på dei tre siste orda i sitatet: «størst mulig trygghet». Kva er dette for slags totalitær tankegang? Frå vogge til grav skal livet levast i ei attsveisa kiste, tydelegvis.