Inga avgjerd i utanrikspolitikken er meir alvorleg enn å gripe til krig. Slik Bush-regjeringa hissar opp landet til ein upopulær og ulovleg krig med Irak, er det ei avgjerande sak for nasjonen å spørje om det konstitusjonelle styringssystemet vårt vernar det amerikanske folket godt nok mot krigssvepa. Sidan verdsscena er så turbulent og det amerikanske militæret så suverent over heile verda, verkar det Sambandsstatane gjer, inn på trivselen til andre menneske i verda, eller jamvel om dei skal leve eller døy. Så vi må spørje om det systemet vi har med representativt demokrati, no verkar i høve til dette skiljesetjande spørsmålet om krig eller fred.