For snart to år sidan tok Louise Eek bladet frå munnen. Med boka «Spelat liv» vakte frilansjournalisten oppsikt i Sverige. Lesarane vart presentert for ei personleg historie om ei oppvekst prega av grove overgrep. Boka var også ei forteljing om porno- og prostitusjonsbransjen, skrive av ei kvinne med lang erfaring frå bransjen. Då Louise Eek var 19 år starta det som skulle bli sju år i prostitusjon. Ein kamerat fortalde om kor lett det var å tena pengar i ein strippeklubb. Det skulle vera enkelt å spara opp 20.000 kroner på ein månad, ein vesentleg sum i 1976.