Sjå føre deg: Trommespelaren finn fram stikkene, og gitaristen hengjer tolvstrengaren kring halsen. To lepper fuktar eit munnspel, og eit par feler spenner seg opp. Så kan han koma: «Tärningspolskaen» til Magnus Stinnerbom. Eit tre minuttar kort vulkanutbrot. Ei varm musikalsk søyle veltar opp frå Värmland. Dei glødande og pumpande tonerekkjene står ut av høgtalarane, renn sakte innover øyregangane og stivnar i ein varm melodi. Ein melodi for minnet, ein polska for hjarta.