Medieoppstyr omkring hotellsuiten til nestleiar Eli Ljunggren i Hotell- og Restaurantarbeiderforbundet (HRAF) førte også til at temperaturen i rettssalen steig nokre gradar i går, og sette eit visst preg på forhandlingane om forlik mellom dei to partane. Medan saka dei tre første dagane hadde gått for opne dører, kravde HRAF sin advokat Lars Holo i går at tilhøyrarane skulle forlata salen under dei avsluttande forhandlingane.