Denne veka kjem den store svenske dramatikaren, film- og romanforfattaren Per Olof Enquists roman Lewis Reise ut på norsk, ein roman vi utan å ta munnen for full trygt kan seie går utanpå det meste av det som vert skrive her til lands. Enquist er ein av desse forfattarane som har makta å oppretthalde kvaliteten gjennom heile si karriere, og som vert hylla av forfattarkollegaer over store delar av Europa. Günter Grass er ein av dei.«Eg skulle ynskje Svenske Akademien hadde hatt mot til å gje Nobelprisen i litteratur til ein stor europeisk forfattar, som vert lesen av enormt mange og er høgt verdsett i heile Europa», sa Grass til Dagens Nyheter her om året.