Torsdag i førre veke vart det klart at Morgenbladet på ny er berga. Institusjonen Fritt Ord, som har 1, 7 milliardar på bok; Dagsavisen med 30 millionar i årleg pressestønad; og Bjørn Smith-Simonsen i Forlagskonsult går inn og kjøper avisa frå den førre eigaren Truls Lie. Morgenbladet vert med det kvitt det meste av gjelda på tre millionar. I tillegg skal Fritt Ord gå inn med ein «ikke ubetydelig sum» i årleg stønad i fem år framover, fortalde styreformann i Fritt Ord, Francis Sejersted, på pressekonferansen. At dette vil føre til ein endra konkurransesituasjon for dei andre kulturavisene, Ny Tid, Klassekampen og Dag og Tid, er vel ikkje å ta for hardt i. Men Gjerdåker ser altså positivt på det som har skjedd.