Her i avisa kom det i går fram at dei tilsette på Filosofisk institutt ved Universitet i Oslo (UiO) no sjølve vil skrive, redigere og publisere pensumbøkene til exphil. Alt skal vere klart frå hausten 2003. Forlaga eller eksterne forfattarar slepp ikkje til. Bøkene skal skrivast av 15 ulike tilsette, som alle har avstått frå royalty mot ein kompensasjon på 10.000 kroner frå instituttet. Noverande redaksjonssjef i Samlaget og tidlegare exphil-forleggjar på Universitetsforlaget, Nina Refseth, reagerer med hovudristing.