Måndag kalte kommunalminister Erna Solberg inn forbundsleiarane i Norsk Helse- og Sosialforbund (NHS) og Norsk Kommuneforbund (NKF) for å be dei stansa streiken blant hjelpepleiarar og omsorgsarbeidarar i privatdrivne sjukeheimar. Streiken har vore i gang sia fredag. Helsedirektør Lars E. Hanssen stadfestar overfor Klassekampen at det særleg har vore situasjonen i Sør-Trøndelag som har vekt uro for følgjene av streiken, sjølv om det ikkje har blitt meldt om akutt fare for liv.