Med 200 ulike innleiarar, 1500 venta deltakarar og meir lys retta mot dei lokale følgjene av globaliseringa, brakar Globaliseringskonferansen 2002 laus torsdag. I tillegg til dei meir tradisjonelle tema som konsernmakt, frihandel og gjeldslette, er óg ein del nye område dekt i programmet. Dette er særleg knytta til følgjer av globaliseringa i Noreg. Konferansesekretær Christoffer Klyve meiner dette lenge har vore ei målsetjing.