Før i tida var det lokale arbeidarkollektivet grunnsteinen i fagrørsla. No er ikkje dette nok lenger, seier Espen Løken. Etter nær 20 år som tillitsvald i Nopef er Løken i dag forskar hos Fafo. Han lanserer denne månaden ei bok om teknologi og fagrørsla, men denne gongen er det ikkje frykt for automatisering og jobbkutt det skal handla om. «Så samles vi på nettet – om fagbevegelsen og Internett» er ei bok om kva som er i ferd med å koma i tillegg til det gamle arbeidarkollektivet.