Ulaanbaatar, mars 2000: I Mongolias parlament var det kalt saman til konferanse om den desperate økonomiske situasjonen i landet. Jorda var beita ned, det var fare for permanent forørkning, industrien var nesten utrydda. Under Sovjetunionen hadde Mongolia opplevd økonomisk utvikling og framgang. Så, frå 1991, innførte landet frihandelskapitalisme etter Washingtons smak. Det vart fri flyt av kapital og null toll på all import (minus alkohol). Slik vart Mongolias kasta ut i verdsøkonomien.