Lørdag 3. mars 2012
Krigar i privat teneste
OVERGANG: Private­ sikkerheitsselskap leiger ut heimevernssoldatar og politimenn som væpna vakter på norske skip. Politiet planlegg sanksjonar, medan Heime­vernet ikkje greier å stoppe tilstrøyminga.

Marknaden for private sikkerheitsselskap har fått ein kraftig oppsving her til lands etter at regjeringa i fjor gav norske skip lov til å ha væpna vakter om bord.
Eit privat selskap tilset no reservesoldatar og politimenn i permisjon til slike oppdrag.
Selskapet Polar Arctic Security i Fredrikstad reklamerer på nettsidene sine med at dei er eigde og leia av «tidlegare politimenn og militære offiserar i aktiv teneste» (omsett frå engelsk av Klassekampen).
Dagleg leiar Steinar Inselseth var for ein månad sidan skiftleiar og førstebetjent i Sandefjord-politiet. Han fekk eit halvt års permisjon for å jobbe i selskapet.
– Vi får førespurnader frå folk som er reserve i militæret, til dømes i Heimevernet, altså folk som er inne til teneste i ein kortare periode. Vi knyter ikkje til oss folk som er fast tilsette i Forsvaret. Det same gjeld politimenn: Skal dei vere operative hos oss, må dei enten vere pensjonerte eller i permisjon, seier Inselseth til Klassekampen.
Heimevernet makteslaus
Leiinga i Heimevernet er lite blide for at personar dei gjev våpentrening skal gå inn som private, væpna vakter i utanlandske farvatn. Men dei greier ikkje stoppe det.
– Det er eit dilemma for oss. Vi er jo ikkje arbeidsgjevar for tilkallingsmannskap, anna enn dei fem-seks dagane dei er inne i året. Vi kan ikkje styre resten av kvardagen deira, seier kommunikasjonssjef Nils Arne Skaret i Heimevernsstaben.
Han fortel at dette vart teke opp på møte med generalinspektøren, alle områdesjefane og distriktssjefen for Oslofjord Heimevernsdistrikt (HV-01) før jul.
– Vi kom fram til at vi ikkje ønskjer ein slik kontakt frå nokon av våre mannskap. Vi ønskjer ikkje samanblanding av roller, og har åtvara våre folk på generelt grunnlag å blande korta, seier Skaret.
– Er det ingenting Heimevernet kan gjere?
– Vi kan velje å ikkje ta inn nye soldatar som kjem frå den bransjen. Ein kar som er utdanna i Forsvaret kan jo fint ta seg jobb i eit privat sikkerheitsselskap. Men ønskjer vi å kalle han inn til Heimevernet? spør Skaret.
Politidirektoratet strekar under «den nødvendige respekt og tillit som er forbundet med å inneha stilling i politiet». Politimenn i aktiv teneste kan ikkje ta på seg væpna vaktoppdrag, men det kan politimenn i permisjon.
Set foten ned
Formelle sanksjonar er likevel aktuelle:
– Politimeisteren vil kunne nekte permisjon dersom formålet med permisjonen er å ta del i den type verksemd det her er tale om, seier Christian Butsberg Pettersen, direktør for juridisk avdeling i Politidirektoratet.
– Direktoratet vil vurdere om det er behov for å tydeleggjere dette overfor politidistrikta, avsluttar Pettersen.
Dagleg leiar Steinar Inselseth i Polar Security International er tydeleg på at selskapet gjer alt dei kan for å unngå rolleblanding.
– Vi gjer det klart for alle interesserte at dei må avklare forholdet til andre arbeidsgjevarar og overordna. Vi går heller ikkje ut med møte, oppslag eller anna aktiv rekruttering. Dei som vurderer tilsetjing kjem til oss, vi går ikkje til dei, seier Inselseth.
johanb@klassekampen.no


Mandag 31. august 2015
UROET: Økonomer frykter at arbeidsledigheten kan bli høy og langvarig uten mottiltak. Blåblå skatteletter advarer de mot.
Lørdag 29. august 2015
lik resept: De var helt uenige om Syria-forliket. Nå kommer Frp og SV med liknende oppskrifter på hvordan asylstrømmen til Europa skal reguleres.
Fredag 28. august 2015
BLÅ BLOKK: Blokk­uavhengige Miljøpartiet Dei Grøne kan landa på eit samarbeid med borgarleg blokk i Hordaland, men Framstegspartiet er framleis ein snubletråd.
Torsdag 27. august 2015
ADVARER: Statssekretær Jøran Kallmyr tror Syria-avtalen må endres dersom flyktning­strømmen i Europa kommer til Norge. – Vi kan komme til å gå ned på tallet 8000.
Onsdag 26. august 2015
ROLIGE: Verken LO eller Norsk Industri lar seg skremme av børsuroen i Kina. – Det er langt fram før vi kan snakke om noen krise, sier LO-økonom Stein Reegård.
Tirsdag 25. august 2015
Soper inn: 78 givere, både privatpersoner og bedrifter, gir Høyres valgkamp til sammen over åtte millioner kroner. Oslo Høyre alene har fått 3,3 millioner.
Mandag 24. august 2015
BLÅ BOM: Nesten ingen Oslo-borgarar er einige med høgresida i at alle nye barnehageplassar skal byggjast ut i privat regi, viser ny undersøking.
Lørdag 22. august 2015
Selv om lokal­politikerne bruker mer tid og penger på Facebook og Twitter for å nå velgerne, bruker folk heller tv og aviser for å få informasjon i valg­kampen.
Lørdag 22. august 2015
KRITISK: Funksjonshemmedes organisasjoner mener regjeringen skyver multifunksjonshemmede foran seg for å slå sammen kommuner.
Fredag 21. august 2015
BORTE: Med en omfattende kommunereform vil småpartienes makt krympe kraftig. Tilbake står et Kommune-Norge dominert av de to største partiene – Høyre og Ap.
­

TV-guiden er levert av TimeFor.TV

TV-guide

Klassekampen benytter informasjons­kapsler (cookies) så vi kan gi deg bedre service, og for å holde styr på om du er logget inn på våre tjenester. Du kan lese mer om vår bruk av informasjons­kapsler her.

Lukk