Etiopiske Opse Dihnsa Sasiga fekk avslag på søknad om asyl i Noreg frå Utlendingsdirektoratet (UDI), og ho fekk nytt avslag da ho klaga til Utlendingsnemnda (UNE).Ho er ikkje åleine. I 2004 behandla UNE 11.330 klagar i asylsaker, nesten tre gonger så mange som i 2001, da 4400 vart behandla. Både talet på asylsøkjarar og talet på saker behandla av UDI har gått ned i den same perioden. På grunn av ei viss tidsforskyving frå saksbehandlinga i UDI til ein klage er ferdigbehandla i UNE treng likevel ikkje endringa vera så markert, peiker Terje Sjeggestad, direktør i UNE på.Rune Berglund Steen, fagsjef i Noas (Norsk organisasjon for asylsøkere), meiner innstrammingar i UDI sin praksis, spesielt overfor store nasjonalgrupper, gjer store utslag på UNE-statistikken.