Ei rekkje menneskerettsorganisasjonar, inkludert FN sitt høgkommissæriat for flyktningar, har uttalt seg negativt om det nye EU-direktivet om asylpolitikk som etter planen skal tre i kraft frå 1. mai. Sentralstyret i Venstre sluttar seg til kritikken, og fryktar at direktivet skal undergrava den einskilde sin rett til både å søkja asyl og å få ei individuell behandling.