Håpet om ei raudgrøn samfunnsendring har fått nok ein kalddusj dei siste vekene. Avstanden mellom ord og handling frå dei to regjeringspartia er så stor at nytalen ikkje strekk til. Der det i valkampen 2021 heitte at heile landet skulle med, at det var kysten sin tur og at norsk matproduksjon skulle opp, har me no fått fasit: Ap og Sp vel kompaniskap med høgresida for å sikra stø kurs mot svekka beredskap og større forskjellar, og vender ryggen til det raudgrøne stortingsfleirtalet som sto klart til å sikra at regjeringa heldt sine eigne løfte.
Tanken om at samfunnsutviklinga ikkje kan endrast er den største trusselen mot demokratiet.