Splitta: Opposisjonen som kasta Mohamed Mursi frå makta vinglar i valet av ny statsminister, og reflekterer splittinga blant folk på gata i Egypt.
Laurdag melde egyptisk stats-TV at den internasjonalt kjende diplomaten Mohamed ElBaradei skulle utnemnast til ny statsminister i landet, men berre timar etterpå snudde overgangsregjeringa, som er leia av den tidlegare dommaren Adli Mansour. Det salafistiske og ultrakonservative al-Nour-partiet, som støtta hæren i maktovertakinga, nektar å godta den liberale ElBaradei som statsminister og hevdar det er imot vegkartet som opposisjonen har blitt samde om. Dei meiner landet treng ein teknokratisk økonomisk figur som statsminister, og ikkje Mursi sin hovudmotstandar, melder NTB.